ԿԱՆՈՆԱԴՐՈՒԹՅՈՒՆ ԵՎ ԿԱՌՈՒՑՎԱԾՔ 

ՔԱՂԱՔԱՑԻԱԿԱՆ ԱՎԻԱՑԻԱ ԿՈՄԻՏԵԻ

I. ԸՆԴՀԱՆՈՒՐ ԴՐՈՒԹՅՆԵՐ

1. Քաղաքացիական ավիացիայի կոմիտեն (այսուհետ՝ Կոմիտե) ՀՀ տրանսպորտի, կապի և տեղեկատվության տեխնոլոգիաների նախարարությանը (այսուհետ՝ նախարարություն) ենթակա պետական մարմին է:
2. Կոմիտեն ստեղծվում, վերակազմակերպվում, և նրա գործունեությունը դադարեցվում է օրենքով:
3.Կոմիտեն գործում է ՀՀ Սահմանադրության, օրենքների, իրավական այլ ակտերի և սույն կանոնադրության հիման վրա:
4. Կոմիտեի անվանումն է
1) հայերեն՝ Քաղաքացիական ավիացիայի կոմիտե,
2) ռուսերեն՝ Комитет гражданской авиации,
3) անգլերեն՝ Civil aviation committee,
4) ֆրանսերեն՝ Comité de l'aviation civile:
5. Կոմիտեն ունի Հայաստանի Հանրապետության զինանշանի պատկերով ու իր՝ հայերեն անվանմամբ կլոր կնիք, ձևաթղթեր, խորհրդանիշ և անհատականացման այլ միջոցներ:
6. Կոմիտեի կառուցվածքում ընդգրկվում են Կոմիտեի նախագահի, Կոմիտեի նախագահի տեղակալի, Կոմիտեի նախագահի օգնականի, Կոմիտեի նախագահի խորհրդականի, Կոմիտեի նախագահի տեղակալի օգնականի, գլխավոր քարտուղարի և կառուցվածքային ստորաբաժանումները:
7. Կոմիտեին Հայաստանի Հանրապետության օրենսդրությամբ սահմանված կարգով կարող է վերապահվել պետական բաժնեմասերի կամ բաժնեմասերի տիրապետման իրավասության:
8. Կոմիտեի պահպանման կարիքների համար, ինչպես նաև Կոմիտեի լիազորությանը վերապահված բյուջետային ծրագրերի շրջանակներում գնումները կատարվում են «Գնումների մասին» Հայաստանի Հանրապետության օրենքով սահմանված կարգով:
9. Կոմիտեի գտնվելու վայրն է՝ Հայաստանի Հանրապետություն, քաղաք Երևան, «Զվարթնոց» օդանավակայան:

II. Կոմիտեի նպատակներն ու խնդիրները

10. Կոմիտեի նպատակներն են՝
1) օդային տրանսպորտի բնագավառի կանոնակարգումը.
2) քաղաքացիական ավիացիայի և ոչ ռազմական պետական ավիացիայի գործունեության կանոնակարգումը,
3) օդային երևեկության սպասարկման կանոնակարգումը,
4) ավիացիոն անվտանգության, թռիչքային անվտանգության, ինչպես նաև ավիացիայի բնագավառում շահագործվող վերգետնյա միջոցների և մատուցվող ծառայությունների ապահովության ու անվտանգության կանոնակարգումը,
5) խաղաղ ժամանակ օդային երթևեկության սպասարկման, ինչպես նաև «Ավիացիայի մասին» Հայաստանի Հանրապետության օրենքով սահմանված կարգով քաղաքացիական ավիացիայի աերոնավիգացիան հեռահաղորդակցության ծառայությունների և աերոնավիգացիոն տեղեկատվության ծառայությունների կանոնակարգումը.
6) Համաձայնեցնելով նախարարության հետ Հայաստանի Հանրապետության օդային տարածքի օգտագործման սահմանափակումների և արգելքների սահմանումը, իսկ ռազմական ավիացիային առնչվող մասով՝ դրանք համաձայնեցնելով նաև Հայաստանի Հանրապետության պաշտպանության նախարարության հետ.
7) ավիացիոն ծառայությունների և Հայաստանի Հանրապետությունում գործող ավիացիոն ենթակառուցվածքների վերահսկողության իրականացումը:
11. Կոմիտեի խնդիրներն են՝
1) օդային փոխադրումների քաղաքականության ընթացքի, զարգացման և հեռանկարային միտումների ուսումնասիրության և վերլուծության իրականացումը.
2) Հայաստանի Հանրապետությունում քաղաքացիական ավիացիայի բնագավառում ավիացիոն անվտանգության ազգային ծրագրերի մշակումը, ներդրումը և վարումը.
3) Հայաստանի Հանրապետության թռիչքային անվտանգության պետական ծրագրի մշակումը, ներդրումը և վարումը.
4) «Ավիացիայի մասին» Հայաստանի Հանրապետության օրենքի համաձայն՝ քաղաքացիական ավիացիայի համակարգում գործունեություն իրականացնող անձանց, կատարվող աշխատանքների և մատուցվող ծառայությունների ու դրանց որակի, թռիչքային և ավիացիոն անվտանգության նկատմամբ վերահսկողության իրականացումը՝ Հայաստանի Հանրապետության անդամակցված միջազգային այլ կազմակերպությունների ապահովության և անվտանգության գործող պահանջներին դրանց շարունակական համապատասխանությունն ապահովելու նպատակով:

Շարունակությունը կարդացեք ՝
ԿԱՆՈՆԱԴՐՈՒԹՅՈՒՆ ԵՎ ԿԱՌՈՒՑՎԱԾՔ ՔԱՂԱՔԱՑԻԱԿԱՆ ԱՎԻԱՑԻԱ ԿՈՄԻՏԵԻ